کورتەیەک لە میژوی کۆلێجی پۆلیس و چالاکیەکانی

 

كۆلێجی پۆلیس دەزگایەكی ئەکادیمی گرنگی وەزارەتی ناوخۆی حكومەتی هەرێمی  كوردستانە تایبەتمەندە بە پێگەیاندنی ئەفسەر لە ڕووی (مەشق و زانست) ە وە  بۆ هێزەكانی ئاسایشی ناوخۆ بە پێی پرۆگرامی تایبەتی مەشق و خوێندن .   

كۆلێجی پۆلیس لە ساڵی (2000) لە قەڵاچوالان دامەزراوە، بە پێی فەرمانی  سەرۆكـایەتی ئەنجومەنـی وەزیـران ژمارە (254) لە(9/1/2000) وە بە پێـی  پەیرەوی كۆلێجـی پۆلـیس ژمارە (1) ساڵـی (2000) راستكـراوە كار دەكـات. *كۆلێجی پۆلیس پێش ساڵی 2000 پێی دەوترا (بەڕێوەبەرایەتی خوێندنگاكانی  پۆلیس) ، (3) خولی ( تایبەت )ی دەرچواندووە كە ماوەكەی (6) مانگ بوون  بەم شێوەیە:-

 1-   خولی (1)ی پۆلیس و ئاسایش كە ژمارەیان (79) خوێندكار بوو .

 2-   خولی (2)ی پۆلیس و ئاسایش كە ژمارەیان (135) خوێندكار بوو.

3-    خولی (3)ی پۆلیس و ئاسایش كە ژمارەیان(203) خوێندكار بوو.

كۆلێجی پۆلیس پاش دامەزراندنی ، دەستی كـرد بە كـردنەوەی خولەكـانی  بەشێوەیەكی ئەكادیمی و كۆرسی خوێندن و مەشق بۆ خوێندكارانی دەرچووی ئامادەیی  كە ماوەكەی (3) ساڵ بێت و هەموو زانستە یاسایی و زانستەكانـی  پۆلیس و سەربازی و مافی مرۆڤ  لەخۆ دەگرێت لەگەڵ كردنەوەی خولی تایبەت  بۆ دەرچووانی زانكـۆ و رێپێـدراوەكانی هێزەكانی ئاسایشی ناوخۆ هەروەها خولی ڕێپێدراوان. 

• 
• 
• 
• 
• 
•